2051 yilga borib Ukraina aholisi 25,2 million kishiga qisqarishi kutilmoqda

Ukrainada harbiy harakatlar boshlanishidan avval mamlakatda 42 million kishi yashagan.

Ukraina Vazirlar Mahkamasi mamlakatning 2040 yilgacha bo‘lgan davrga mo‘ljallangan demografik rivojlanish strategiyasini tasdiqladi. Hujjatda qayd etilishicha, 2024 yil iyul oyi holatiga ko‘ra, Ukraina aholisi 35,8 million kishini tashkil qiladi.

Demografiya va hayot sifati institutining prognoziga ko‘ra, Ukraina aholisi 2051 yilga borib 25,2 million kishigacha kamayishi mumkin. Ukrainada aholining qisqarishi keng ko‘lamli urush boshlanishidan oldin ham kuzatilgan, biroq urush tufayli vaziyat yanada yomonlashgan.