1 martdan tadbirkorlarga yo‘l harakati buzilganini qayd etuvchi foto-video texnik vositalar o‘rnatish huquqi beriladi.
Bu haqda AOKAdagi matbuot anjumanida YHXBB boshlig‘i o‘rinbosari Erali Bozorov ma’lumot berdi.
Ta’kidlanishicha, yo‘l harakati xavfsizligini ta’minlash maqsadida 2021 yil 1 martdan boshlab, tadbirkorlik sub’ektlariga avtomobil yo‘llarida yo‘l harakati buzilganini qayd etuvchi maxsus avtomatlashtirilgan foto va video dasturiy texnik vositalar o‘rnatish huquqi berilmoqda.