Eron prezidenti Ispaniyaga minnatdorchilik bildirdi

Masud Pezeshkian Ispaniyaning AQShga o‘z harbiy bazalaridan foydalanishga ruxsat bermagani uchun rasmiy Madridga minnatdorchilik bildirdi. Bu haqda u ijtimoiy tarmoqdagi sahifasida yozdi.

Eron rahbariga ko‘ra, Ispaniyaning bu qarori G‘arbda hali ham axloq va vijdon mavjudligini ko‘rsatadi.

«Ispaniyaning Eron kabi davlatlarga qarshi sionist-amerika koalisiyasining inson huquqlarini qo‘pol ravishda buzishi va harbiy tajovuziga qarshi mas’uliyatli pozisiyasi G‘arbda axloq va uyg‘ongan vijdon hali ham borligini ko‘rsatadi», — deb yozdi Pezeshkian.

Shuningdek, u Ispaniya rasmiylariga tutgan pozisiyasi uchun alohida minnatdorchilik bildirdi.