Prezident Shavkat Mirziyoyev 28 avgust kuni mamlakatimizda amaliy tashrif bilan bo‘lib turgan AQSh prezidentining global sherikliklar bo‘yicha maxsus vakili Paolo Zampolli bilan uchrashdi.
Uchrashuvda O‘zbekiston bilan AQSh o‘rtasidagi strategik sheriklik va ko‘p qirrali hamkorlik munosabatlarini yanada kengaytirish masalalari atroflicha ko‘rib chiqildi.
AQSh ma’muriyatining yuqori martabali vakili davlatimiz rahbariga Prezident Donald Trampning samimiy salomi va O‘zbekiston Mustaqilligi kuni munosabati bilan tabriklarini yetkazdi.
Turli darajalarda samarali aloqalar davom etayotgani alohida mamnuniyat bilan qayd etildi. Xavfsizlik sohasida, terrorizm, ekstremizm va noqonuniy migrasiyaga qarshi kurashish borasida samarali hamkorlik yo‘lga qo‘yilgan.
AQSh an’anaviy ravishda O‘zbekistonning muhim iqtisodiy hamkori hisoblanadi. 2024 yilda tovar ayirboshlash hajmi 15 foizga ko‘paydi. Loyihalar portfeli 11 milliard dollardan oshgan.
Joriy yil iyun oyida o‘tkazilgan Toshkent investisiya forumida AQShning 100 dan ortiq yetakchi kompaniyalari ishtirok etdi.
Mineral resurslar, aviasiya, elektrotexnika, qishloq xo‘jaligi, raqamli texnologiyalar, moliya, innovasiyalar, ta’lim va boshqa ustuvor yo‘nalishlarda kooperasiya loyihalarini ilgari surish uchun katta salohiyat mavjudligi qayd etildi.
«S5+1» formati doirasida mintaqaviy hamkorlikni rivojlantirish muhim ekani ta’kidlandi.
Bo‘lajak muloqotlar va qo‘shma tadbirlar rejasi ham ko‘rib chiqildi.
Maktablarda 1 sentyabrdan smartfondan foydalanish taqiqlanadi
Keyingi 5 yil ichida boshlanishi mumkin bo‘lgan 5 ta urush
AQSh Kongressiga nomzod Valentina Gomes Qur’onni yoqib yubordi
