Shvesiya hukumati dunyodagi o‘zgaruvchan geosiyosiy vaziyatni inobatga olgan holda tashqi iqtisodiy yordam siyosatini qayta ko‘rib chiqishga qaror qildi. Bu doirada mamlakat Ukrainaga 1,67 milliard shved kroni (taxminan 180 million dollar) miqdorida qo‘shimcha moliyaviy yordam ajratadi.
Bu haqda mamlakat hukumati kansleri matbuot xizmatiga tayanib, "Report" va TASS axborot agentliklari xabar bermoqda.
Tashqi savdo va xalqaro taraqqiyot vaziri Benjamin Dyusa bildirishicha:
"AQSh tomonidan ko‘makning bir qismini to‘xtatish bo‘yicha qabul qilingan qaror dunyoning ko‘plab mintaqalarida vaziyatni yanada murakkablashtirdi. Shuning uchun Shvesiya 2025 yil uchun mo‘ljallangan yordam byudjetiga tubdan qayta yondashmoqda. Bizning ustuvorligimiz — Ukrainaga yordam berish."
Shuningdek, Shvesiya hukumati Afg‘oniston bilan to‘g‘ridan-to‘g‘ri hamkorlik dasturlarini va Osiyo hamda Okeaniya mamlakatlari bilan mintaqaviy hamkorlik strategiyalarini bosqichma-bosqich tugatish niyatida ekanligini ma’lum qildi.
Hisobotda ta’kidlanishicha, bu qarorlar Shvesiyaning global yordam siyosatidagi ustuvorliklarini yangilash va samaradorlikni oshirish maqsadida qabul qilingan.
Qirg‘izistonda favqulodda holat e’lon qilindi
Ayollarning pensiya yoshi yana 6 oyga oshirildi
Eron: "Isroil tirik qolish uchun "dada"siga qarab yugurdi"
