Bu Eronni qaytarib olish uchun noyob imkoniyat – Rizo Pahlaviy

So‘nggi Eron shohi Muhammad Rizo Pahlaviyning o‘g‘li Rizo Pahlaviy “Fox News” telekanaliga bergan intervyusida birinchi marta fors tilida Eron xalqiga murojaat qilib, yana rejimni ag‘darishga chaqirdi.

“Oxirgi 3 kun ichida rejim ikki hafta oldingiga nisbatan 10 baravar zaiflashdi. Men butun dunyo tushunishini xohlardimki, iqtisodiy barqarorlikka bo‘lgan bosimni kamaytirish, begunoh qurbonlar sonini kamaytirish va yadroviy tahdidni ham o‘z ichiga olgan barcha xavflarga barham berishning yagona yo‘li – bu rejimni yo‘q qilishdir”, degan qochoq valiahd.