Avstriyada maktabga hujum qilgan shaxs qurolga qonuniy egalik qilgan

Avstriyaning Gras shahridagi maktabga hujum qilgan shaxs qurolga qonuniy egalik qilgan. Bu haqda Shtiriya shtati polisiyasi ma’lum qildi.

"Bizning hozirgi ma’lumotlarga ko‘ra, u qurolga qonuniy egalik qilgan. Ya’ni uning qurolga ega bo‘lgan hujjatlari bo‘lgan", - dedi Shtiriya shtati polisiyasi vakili Gerald Otner seshanba kuni bo‘lib o‘tgan matbuot anjumanida.

Shuningdek, u polisiya unga nisbatan ilgari hech qanday ogohlantirish olmaganini qo‘shimcha qildi.

Huquq-tartibot idoralari vakillarining aniqlik kiritishicha, hujum qilgan shaxs 21 yoshda bo‘lgan, u avstriyalik, u shu maktabda o‘qigan, ammo uni tamomlamagan. Polisiya hujumchining sabablarini o‘rganmoqda.