Dubay Duty Free’da bir oyda 7,8 million dollarlik shokolad sotildi

Dubaydagi Duty Free bojsiz savdo do‘koni aprel oyida 7,84 million dollarlik "virusli" Dubay shokoladini sotdi.

Bu haqda tarmoq saytida ma’lum qilindi, deb xabar bermoqda xorijiy OAV.

"Dubay shokoladi o‘zining ajoyib muvaffaqiyat tarixini davom ettirdi, uning sotuvi aprel oyida 7,84 million dollarga yetdi, bu kuniga 274 ming dollarni anglatadi," - deyiladi saytda.

O‘tgan oyda barcha tovarlar savdosining umumiy hajmi 195,4 million dollarni tashkil etdi.

Shu bilan birga, rossiyaliklar aprel oyida 14,97 million dollar sarflab, faqat Hindiston fuqarolaridan (19,76 million dollar) ortda qolib, eng faol xaridorlar orasida ikkinchi o‘rinni egalladi. Keyingi o‘rinlarni Saudiya Arabistoni (14,03 mln dollar), Xitoy (10,75 mln dollar) va Buyuk Britaniya (9,92 mln dollar) fuqarolari egalladi.

Xaridorlar orasida eng mashhurlari parfyumeriya, spirtli ichimliklar, tamaki, oltin va qandolat mahsulotlari edi.