“Geostatiska” telegram kanali yalpi ichki mahsulotga nisbatan davlat qarzi eng yuqori bo‘lgan davlatlar ro‘yxatini tuzdi

Eng yuqori daraja Sudan (YAIMning 252%), Yaponiya (YAIMning 235%) va Singapurda (YAIMning 175%).

Tojikistonga qo‘shni davlatlar qatorida O‘zbekiston (YAIMning 36 foizi), Qozog‘iston (YAIMning 21 foizi) va Rossiya (YAIMning 18 foizi) o‘rin olgan.

Nashrning ta’kidlashicha, davlat qarzi “qadimdan budjet hisobotining faqat bir qator bandi bo‘lishni to‘xtatgan”.

"Bu iqtisodiyotning hayotiyligi, uning zarbalarga bardosh bera olishi va ijtimoiy majburiyatlarni bajarish qobiliyatining asosiy ko‘rsatkichlaridan biridir. Shu bilan birga, yalpi ichki mahsulotga nisbatan davlat qarzi eng yuqori bo‘lgan mamlakatlar ro‘yxatini iqtisodiy o‘ziga xosliklari bir-biridan juda farq qiluvchi davlatlar boshqaradi", - deya ta’kidlaydi post mualliflari.

To‘g‘ri, ular e’lon qilgan ma’lumotlar va uning manbalariga taalluqli muddatga aniqlik kiritilmagan.

Mamlakat Moliya vazirligi ma’lumotlariga ko‘ra, Tojikistonning davlat qarzi 2025-yil 1-yanvar holatiga ko‘ra 3,6 milliard dollarni tashkil qilgan, bu respublika yalpi ichki mahsulotining 25,2 foiziga teng. Bu mamlakat davlat qarzining oxirgi 15 yildagi eng past darajasidir.

Jami davlat qarzining 3,2 milliard dollardan ortig‘i (89 foiz) tashqi qarzlar va 382 million dollardan ortig‘i ichki qarzlar hisobiga to‘g‘ri keladi.