Putin frontda urushni to‘xtatishni taklif qildi

Rossiya prezidenti Vladimir Putin Qo‘shma Shtatlarga joriy front chizig‘ini tuzatish va bosib olingan hududlarni Rossiyaga qoldirish orqali Ukrainadagi urushni tugatishni taklif qildi. Bu haqda Financial Times gazetasi muzokaralar mazmunidan xabardor uchta manbaga tayanib xabar berdi.

Nashrning yozishicha, Putin aprel oyi boshida Sankt-Peterburgdagi uchrashuvda AQSh prezidenti Donald Trampning maxsus vakili Stiven Uitkoffga tegishli taklifni bildirgan .

Putinning ta’kidlashicha , Moskva Donesk, Lugansk, Zaporojya va Xerson viloyatlarining Ukraina nazorati ostida qolgan qismlariga nisbatan "o‘z da’volaridan voz kechishga" tayyor. Shu bilan birga, Rossiya nazorati ostidagi hududlar o‘ziniki bo‘lib qolishi kerak.

Manbalarga ko‘ra, Tramp prezident sifatidagi ilk 100 kun ichida tinchlikparvarlik missiyasi muvaffaqiyatini ko‘rsatish uchun 30 aprelgacha tinchlik kelishuviga erishmoqchi.

Shuningdek, nashrning xabar berishicha, AQSh Qrim ustidan Rossiya suverenitetini tan olish va ishg‘ol qilingan hududlar ustidan Kremlning amalda nazoratini o‘z ichiga olgan kelishuv loyihasini taklif qilgan.

🇪🇺 Muzokaralardan xabardor yevropalik rasmiylarning ogohlantirishicha, Putinning tashabbusi AQShni Moskva shartlarini qabul qilishga ko‘ndirish va ularni Ukrainaga majburlash uchun “o‘lja” bo‘lishi mumkin .

“ Endi Kiyevga Tramp g‘alabani e’lon qilishi uchun hamma narsadan voz kechishi uchun katta bosim bor ”, — deya manbalardan birining so‘zlarini keltiradi nashr.

Yevropa diplomatiyasi rahbari Kaya Kallas Yevropa Ittifoqi Qrimni Rossiyaning bir qismi sifatida tan olmasligini aytdi. Uning so‘zlariga ko‘ra, Moskva tinchlikka intilmaydi va faqat sulh taklifi bilan "o‘yin o‘ynaydi".

Kallas, shuningdek, Kiyev va uning ittifoqchilari Qo‘shma Shtatlar Kremlga nisbatan keskinroq pozisiyada bo‘lishini kutganini ta’kidladi.