Зироат Мирзиёева Шанхай ҳамкорлик ташкилоти форумида нутқ сўзлади

"Замин" фонди Васийлик кенгаши раиси Зироат Мирзиёева Бутунхитой халқ вакиллари кенгаши Доимий қўмитаси раисининг ўринбосари, Бутунхитой аёллар федерацияси раиси Шен Юеюенинг таклифига биноан 20 июль куни Пекинда гибрид шаклда бўлиб ўтган Шанхай ҳамкорлик ташкилоти форумида нутқ сўзлади.
⠀
Форумда Хитой Халқ Республикаси раисининг рафиқаси Пенг Лиюан, Россия Федерацияси Федерал Мажлиси Федерация Кенгаши раиси Валентина Матвиенко, Aфғонистон Ислом Республикаси президентининг рафиқаси Рула Ғани, ШҲТ Бош котиби Владимир Норов, халқаро ташкилотлар вакиллари ва халқаро экспертлар иштирок этдилар. Глобал пандемия шароитида аёллар таълими ва гендер тенглиги масалалари муҳокама қилинди.