“Реал Мадрид” клубининг собиқ мураббийи, француз мутахассиси Зинедин Зидан ўз келажаги борасида бир қарорга келган.
АS нашрининг хабарига кўра, Зидан фақатгина Франция терма жамоаси билан ишлашни кўзламоқда. У 2022 йил Қатардаги Жаҳон чемпионатидан сўнг Франция терма жамоасини бошқаришни режалаштирган эди, бироқ мураббий Дидье Дешам ўз лавозимида қолган. Хабарда айтилишича, ҳозирда Зидан Мадридда яшамоқда ва фақат Франция терма жамоасидан таклиф кутмоқда.
Эслатиб ўтамиз, Зинедин Зидан клуб даражасида фақат “Реал” билан ишлаган. У жамоани 2016—2018 ва 2019—2021 йилларда бошқарган. Мураббий “Қироллик клуби” билан икки карра Испания чемпиони, икки карра Испания Суперкубоги соҳиби ва уч карра Чемпионлар Лигаси ғолибига айланган.
Аввалроқ Франциянинг “ПСЖ” клуби мураббий хизматларидан фойдаланиш нияти борлиги ҳақида хабар қилинганди.
Родри «Олтин тўп»га Винисиус лойиқлигини айтган Роналдуга жавоб қайтарди
«Манчестер Сити» Абдуқодир Ҳусанов учун «Ланс»га қанча пул таклиф этаётгани маълум бўлди
"Ан-Наср" Роналду борасида якуний қарорга келди
