Украина президенти Владимир Зеленский Россия етакчиси Владимир Путиннинг Валдай қароргоҳига зарба берилгани ҳақидаги иддаолар ёлғон эканини яна бир бор таъкидлади.
Бу ҳақда Украина президенти онлайн режимда журналистлар саволларига жавоб бериш чоғида айтиб ўтди.
Унинг фикрича, бу хабарлар Россиянинг музокараларни бузишга уриниши билан боғлиқ:
"Бу кўпроқ жамоаларимиз ўртасидаги муваффақиятли музокаралар ва ўтган ойдаги учрашув, ижобий учрашув билан боғлиқ. Москва хавотирда. Ишимиз якунида мен АҚШ президенти Дональд Трамп билан учрашдим", — деди Зеленский.
Шунингдек, у америкалик ҳамкасби билан олиб борилган мунозаралардан сўнг Европа етакчилари билан учрашув ўтказишини маълум қилди.
"Кейин биз ҳаммамиз урушни тугатиш учун олдинга қадам ташлаш учун йиғиламиз. Биз январь ойида маълум қадамлар ташланишини хоҳлаймиз", деди Зеленский.
Аввалги куни Украина президенти Новгород вилоятидаги Россия президенти қароргоҳига Украина томонидан ҳужум уюштирилгани ҳақидаги иддаолар ёлғон эканини аллақачон айтган эди.
Мактаб ва коллеж битирувчилари 1 йиллик ҳарбий хизматга жалб қилинади
Индиялик кўча тозалагувчилар Петербургда қолишни исташмоқда
Тоғани, амакини, холани, аммани қизига уйланиш тақиқланмоқда
