Украина президенти Владимир Зеленский Россия раҳбари Владимир Путиннинг Украина президентининг гўёки «ноқонунийлиги» ҳақидаги сўзларига жавобан, Путиннинг қонунийлигини фақат Путин тан олишини, Украинада эса президентни халқ сайлашини айтди. У ўз фикрини Франция президенти Эммануэл Макрон билан қўшма матбуот анжуманида билдирди, деб ёзади Украина ОАВ.
«Президент Зеленскийнинг қонунийлигини фақат Украина халқи тан олади. Украина халқи танлайди ва мен қўллаб-қувватлаш учун жуда миннатдорман. Бизнинг халқимиз эркин. Ростини айтсам, биз бунинг учун курашяпмиз.
"Ўртоқ" Путиннинг қонунийлигини фақат ўртоқ Путин тан олади. Ва Путин Путинни танлайди. Рус халқи – саҳна кўринишидир ва уларда фақат битта актёр бор”, — деди Зеленский.