Кеча кечқурун Россия Қуролли Кучлари Киевга энг катта баллистик ҳужумлардан бирини амалга оширди, 40 дан ортиқ турли хил ракеталар ва 120 та ҳужум дронларини учирди.
Бу ҳақда Украина раҳбари Владимир Зеленский ўзининг Телеграм-каналида эълон қилди.
"Ҳозирда пойтахт ва Киев вилоятида бир киши ҳалок бўлди ва 16 киши яраланди. Одесса вилояти ва Запорожьеда ҳам қурбонлар, Суми ва Чернигов вилоятларида эса зарар кўрилди. Ўққа тутиш оқибатлари учта жойда давом этмоқда, қарийб 600 қутқарувчи жалб қилинган", деди у.
Зеленскийнинг сўзларига кўра, фақат шу ҳафта Россия кучлари Украинага қарши тахминан 1450 та ҳужум дронлари, 1640 дан ортиқ бошқариладиган бомбалар ва 99 та турли хил ракеталардан фойдаланиб, Винницка, Днепропетровск, Донецк, Житомир, Кировоград, Николаев, Полтава, Харьков, Херьсон ва Черкасси вилоятларига ҳужум қилишди.
"Ҳозирда баллистик мудофаа энг муҳим устувор вазифадир. Ва баллистикага қарши имкониятлар устида ишлаш билан бир қаторда, Россияга босим давом этиши жуда муҳим", деб таъкидлади Украина президенти.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Ҳиндистон ТИВ Россия дипломатини чақиртирди
