Зеленский: "Путин ўлимигача Кремлда ўтиришни хоҳлайди"

Украина президенти Владимир Зеленский агар уруш узоқ йиллар давом этса ва Ғарб томонидан санкциялар бўлмаса, Россия Украинага қарши урушда ғалаба қозониши мумкинлигини айтди.

У бу ҳақда ABC News телеканалига берган интервьюсида айтиб ўтди.

"Дунёда бирдамлик бўлса ва дунё биз томонда бўлса, Путин ҳозирги шароитда урушда ғалаба қозона олмайди. Бу бўлиши мумкин эмас. Шунинг учун, агар бу жуда узоқ, кўп, кўп йиллар ва санкцияларсиз давом этадиган уруш бўлсагина у ғалаба қозониши мумкин. У чиндан ҳам шуни хоҳлайди, чунки унга бу уруш учун пул керак бўлади ва ўлимигача Кремлда ўтиришни хоҳлайди. Бу унинг мақсади", деди Украина раҳбари.

Зеленский, шунингдек, Россия иқтисодиёти нефть ва энергетикага боғлиқлигини, шунинг учун ҳам бу ҳудудларга нисбатан санксияларни имкон қадар тезроқ киритиш кераклигини таъкидлади.