Украина президенти Владимир Зеленский НАТО саммитида иштирок этиш учун Гаагага етиб келди. Саммит доирасида у АҚШ президенти Дональд Трамп билан учрашиши мумкин, деб хабар берди France Presse агентлигига Украина Президенти офисидаги манба. Унинг сўзларига кўра, икки давлат етакчилари делегациялари учрашувнинг тафсилотларини муҳокама қилмоқда. Ҳозирча расмий келишув ҳақида маълумот берилмаган.
Манбага кўра, бўлажак учрашувда Украина учун АҚШ қуролларини, хусусан, ҳаводан мудофаа тизимларини сотиб олиш масаласи муҳокама қилиниши мумкин. Трамп маъмурияти ҳукуматга келганидан бери Украинага қуролни бепул етказиб бериш ҳақида эълон қилмаган, бироқ унинг тижорат асосида берилиши имконини инкор этмаган.
Sky News телеканалига берган интервьюсида Зеленский шундай деган: «Мен Трамп билан учрашмоқчиман. Қандай бўлишини билмайман — ростини айтаман. Жамоам шу устида ишлаяпти».
Оқ уй вакили эса бу борадаги саволларга жавоб беришдан тийилган.
Исроил Россияни Эронга ҳаво ҳужумидан мудофаа тизимларини етказиб беришдан тийилишга чақирди
Маданият вазири коррупцияда айбланиб судга тортилади
Юраги уриб турган бемор ўлганга чиқарилди ва унинг ички аъзоларидан фойдаланишди
