Украина президенти Владимир Зеленский Германия канцлери Ангела Меркель билан қилган телефон мулоқотида Россияни G7’га қайтаришга қаршилик қилгани учун миннатдорчилик билдирди.
Телефон мулоқоти чоғида икки давлат раҳбарлари Украинадаги вазият ва уни ҳал қилиш учун “нормандча формат”ни тезроқ ўтказиш муҳимлигини гаплашган.
Германия канцлери G7 саммитида Украинадаги нотинч вазият ва Қримнинг аннексия қилинганини сабаб қилиб Россияни аъзоликка қайтаришга қаршилик кўрсатганди.
Эслатиб ўтамиз, Биаррицсдаги "кучли еттилик" саммитида Трамп ва Франция Россияни аъзоликка қайтариш таклифини илгари сурганди, дейди "togri.uz".