Зеленский Грузия ҳукуматининг ҳаракатларини "шармандали" деб атади

Украина президентининг сўзларига кўра, Грузия ҳукумати мамлакатни Россияга қарамлик томон итармоқда ва ўз халқига қарши чиқмоқда.

"Москвада Грузия ҳукуматининг мақталаётгани улар ҳозир Тбилисида ким учун ишлаётгани ва намойишларни ким учун тарқатишаётганини аниқ кўрсатиб турибди. Бу, албатта, Грузия манфаатлари учун эмас", — деди Володимир Зеленский Telegram'даги мурожаатида.

Бундан ташқари, Украина президенти Киев аллақачон Грузияда юз бераётган воқеаларга жавобан ҳуқуқий чоралар сифатида санкциялар ишлаб чиқаётганини таъкидлади.