Президент Владимир Зеленский АҚШ Конгресси Вакиллар палатасига Украина ва иттифоқчиларга қарийб 61 миллиард доллар ёрдам кўрсатишни назарда тутувчи қонун лойиҳасини маъқуллагани учун миннатдорчилик билдирди.
Бу ҳақда давлат раҳбари Х ижтимоий тармоғида маълум қилди.
У АҚШ Конгрессининг қуйи палатасига, ҳар икки партияга ва шахсан спикер Майк Жонсонга “тарихнинг тўғри йўналишини сақлайдиган қарор” учун миннатдорчилик билдирди.
Президент, шунингдек, қонун лойиҳаси Сенатда қўллаб-қувватланиб, президент Жо Байденга кўриб чиқиш учун юборилишига умид билдирди.
"Демократия ва эркинлик ҳар доим дунёда муҳим бўлиб қолади ва Америка уларни ҳимоя қилар экан, ҳеч қачон барбод бўлмайди. Бугун Вакиллар палатаси томонидан қабул қилинган АҚШнинг муҳим ёрдам қонун лойиҳаси уруш тарқалишининг олдини олишга, минглаб минглаб одамларнинг ҳаётини сақлаб қолишга ёрдам беради”, деди Зеленский.