Зеленский аҳолиси 1 ярим миллионни ташкил қиладиган Кипрдан ёрдам кутмоқда

Украина президенти Владимир Зеленский Кипр Европа Иттифоқига раислик даврида Киевга Европа интеграцияси йўлида ёрдам беришига умид билдирди.

Зеленский бу ҳақда Кипрнинг Никосиядаги Европа Иттифоқи кенгашига раислигининг очилиш маросимида айтиб ўтган.

"Украинанинг Европа Иттифоқига қўшилишини тезлаштиришда Кипрнинг ёрдамига умид қиламиз”, — деди Зеленский.

Унинг таъкидлашича, Украинанинг Европадаги ҳамкорлари ва АҚШ билан музокаралари янги босқичга кўтарилган ва Россия-Украина уруши Кипрнинг ЕИ Кенгашига раислиги даврида тугаши мумкин.

Зеленский Россияга қарши санкцияларни кучайтириш ва Украинани қўллаб-қувватлашда давом этиш зарурлигини таъкидлади.

"Янги пакет тайёрланмоқда ва Россиянинг соя флотига зарба бериш учун кўплаб чоралар кўрилмоқда", деб таъкидлади Украина раҳбари.