Юзлаб исроиллик намойишчилар бош вазир Бенямин Нетаняхунинг Ғарбий Қуддусдаги қароргоҳига етиб боришга, ҳукуматга Фаластин билан маҳбусларни алмашиш бўйича келишув тузиш борасида босим ўтказишга ҳаракат қилишди. Исроилликлар «Етар, ҳалокат ҳукумати» деб ёзилган катта байроқни кўтариб, намойиш ўтказишди.
исроил БМТ Хавфсизлик Кенгашининг босқинни зудлик билан тўхтатиш тўғрисидаги резолюцияларини ва Халқаро Суднинг геноцид ҳаракатларининг олдини олиш ва Ғазодаги аянчли гуманитар вазиятни яхшилаш чораларини кўриш ҳақидаги буйруқларини эътиборсиз қолдириб, урушни давом эттирмоқда.