Абу Али ибн Сино номидаги ёш биологлар ва кимёгарлар ихтисослаштирилган мактаб-интернатининг 8-синф ўқувчиси Саидолимхон Жасурбеков Тошкент шаҳридаги Ломоносов номидаги Москва давлат университети филиалида ташкил этилган Халқаро математика олимпиадасида бронза медалини қўлга киритди.
Халқаро математика олимпиадаси (ХМО) 1959 йилдан бошлаб 5 — 9-синф ўқувчилари ўртасида ташкил этиб келинади.
Саидолимхон Шайхонтоҳур туманидаги 42-сонли умумий ўрта таълим мактабида ўқиган. 2019 йил август ойида Абу Али ибн Сино номидаги ёш биологлар ва кимёгарлар ихтисослаштирилган мактаб-интернатида ўтказилган қабул тест синовлари якуни бўйича 46 балл тўплаб, 8-синф ўқувчилари сафига қабул қилинган.
Шунингдек, у ихтисослаштирилган фанларни ўзлаштиришда ва мустақил илмий-тадқиқот ишларида юқори натижаларга эришмоқда.
“Халқ сўзи”
