Юн Сок Ёлга импичмент муваффақиятли амалга оширилди, энди нима бўлади?

Жанубий Корея президенти Юн Сук Ёлга импичмент эълон қилинди.

Жами 204 депутат таклифни қўллаб-қувватлаш учун овоз берди, деди спикер.

Шу билан бирга, 85 депутат бу таклифга қарши овоз берди, уч нафари эса бетараф қолди. Яна саккизта овоз бекор қилинди.

Овоз беришда парламентнинг барча 300 аъзоси иштирок этди. Бу Юннинг ҳукмрон Халқ кучи партияси аъзолари ўтган ҳафта биринчи импичмент овоз беришдан чиқиб кетганидан кейин содир бўлди.

Энди нима бўлади?

Импичмент ҳужжати нусхалари Юн ва Конституциявий судга топширилгач, унинг президентлик ваколатлари ва вазифалари тўхтатилади.

Энди судда Юннинг сиёсий тақдирини ҳал қилиш учун 180 кун бор.

Айни пайтда бош вазир Хан Дак Су Жанубий Корея президенти вазифасини бажарувчи бўлди.

Парламент спикери Ву Вон Шик ҳукумат ва парламентни иқтисодиёт ва ташқи алоқаларни барқарорлаштириш учун ҳамкорлик қилишга чақирди.

Молия вазири Чой Санг-мок якшанба куни иқтисодиёт бўйича фавқулодда йиғилиш ўтказади.