Японияда кучли ёмғирлар оқибатида камида беш киши ҳалок бўлди

Япониянинг марказий қисмида кучли ёмғир ёғиши оқибатида камида беш киши ҳалок бўлди ва яна бир киши бедарак йўқолди.

Бўрондан энг кўп зарар кўрган Чиба префектураси расмийлари қурбонлар сонини эълон қилишди.

Япония Маъмурий ишлар ва коммуникациялар вазирлигининг маълумотларига кўра, жума куни эрталаб Чиба ва қўшни Ибараки префектурасининг камида 120 000 аҳолиси учун эвакуация буйруқлари кучда қолди.

Кучли ёмғир Нарита халқаро аэропортини Токио билан боғлайдиган поездлар қатновини ҳам ўз ичига олган ҳолда, поезд қатновини тўхтатди. Тахминан 7000 киши аеропортда қолиб кетди ва Япония пойтахтига етиб бора олмади.

Япониянинг марказий қисмидаги баъзи ҳудудларда 24 соат ичида 360 мм дан ортиқ ёғингарчилик ёғди. Кучли ёмғир электр узатиш линияларига ҳам зарар етказди.

Чиба префектурасида камида 25 000 хонадон электрсиз қолмоқда. Расмийлар офат оқибатларини бартараф этишда давом этмоқда ва аҳолини эвакуация буйруқларига риоя қилишга чақирмоқда.