Япония Россиянинг 9 та ташкилоти ва бир нафар жисмоний шахсга қарши санкциялар киритди . Бу ҳақда Япония Mолия ва Tашқи ишлар вазирликларининг қўшма баёнотида маълум қилинди.
"Россиянинг Шимолий Кореядан қурол сотиб олишини Япония БМТ Хавфсизлик Кенгаши резолюцияларининг тегишли қоидаларини бузилиши, деб ҳисоблайди. Бу эса Украинадаги вазиятнинг янада ёмонлашишига замин яратади", дейилади баёнотда.
Япония томонидан “224 Flight Squad Давлат авиакомпанияси” ОАЖ бош директори Владимир Михейчикга нисбатан санкциялар жорий этилди. Шунингдек, “Владимировка” илмий-тадқиқот мажмуаси, “Ашулук” полигони, Кипрда рўйхатдан ўтган “IBEX Shipping” ва “Asia Shipping Holding” транспорт компаниялари ҳам санкциялар рўйхатига киритилди.