Эрон томонидан қўллаб-қувватланадиган Яман ҳусийлари 8 сентябр куни АҚШ иттифоқчиси бўлган Саудия Арабистони жанубидаги тўртта шаҳарга ҳужум қилди. Оқибатда 70 дан ортиқ киши яраланди ва нефт объектларида ёнғин чиқди. Бу олти ойдан бери давом этаётган Яқин Шарқдаги урушнинг кескин кенгайганини англатмоқда.
Ҳусийлар Саудия Арабистони ҳудудининг ичкарисида кенг кўламли амалиёт ўтказганини маълум қилди. Уларнинг сўзларига кўра, ушбу амалиётда дронлар ва ракеталардан фойдаланилган. Ҳужумлар Саудия Арабистонининг Хамис Мушаит шаҳридаги ҳарбий-ҳаво базасига, Абҳа, Нажран ва Қизил денгиз бўйидаги Жизан шаҳарларидаги Saudi Aramco давлат нефт компанияси объектларига уюштирилди. Жизан йирик нефтни қайта ишлаш заводи ва электр станциясига эга порт шаҳар ҳисобланади.
Саудия Арабистони расмийлари ўз нефт объектларида ёнғинлар бўлганини тасдиқлади ва яраланган 73 киши орасида аёллар ҳамда болалар борлигини билдирди. Бундай кўп сонли ярадорлар ҳақидаги хабарлар ушбу ҳужум АҚШ ва Исроил феврал ойида Эронга қарши уруш бошлаганидан бери Саудия Арабистонига қилинган энг йирикларидан бири бўлганини кўрсатмоқда.
Ҳусийларнинг Саудия Арабистонига ҳужуми Яқин Шарқдаги можарони кескинлаштириши ҳамда халқаро энергия таъминотини издан чиқариши мумкин. Бу ҳолат қамал қилинган Ҳўрмуз бўғозидан ташқарида ҳам урушнинг глобал иқтисодий таъсирини ошириши эҳтимоли бор.
10 йилдан бери қидирувда бўлган ўзбекистонлик ИШИДчи, «Чойхона» раҳбари АҚШга экстрадиция қилинди
Нетаняху нутқи пайтида зални тарк этган давлатлар рўйхати
Раъно Шодиева учун оғир жудолик
