АҚШ президенти Доналд Трамп Россия ва Украинага ўзининг тинчлик режасини эълон қилди, АҚШ расмийлари буни “якуний таклиф” деб атамоқда. Аxios порталига кўра, ҳужжат ўтган ҳафта Парижда Украина вакилларига топширилган. Вашингтондан сигнал аниқ: ҳозир ёки ҳеч қачон.
Шу билан бирга, режанинг моҳияти Киев томонидан кескин танқидга учради.
"Режа бир томонлама. Россия аниқ фойда олади, Украина эса фақат ноаниқ ваъдаларни олади", - деди Украина ҳукуматидаги манба.
Аxios нашрига кўра, ҳужжат Қримни Россия деб тан олиш, Москванинг босиб олинган ҳудудларни амалда назорат қилиши, Украинанинг НАТОга аъзо бўлишдан бош тортиши ва Ғарбнинг Россияга қарши санкцияларини бекор қилишни назарда тутади.
Бунинг эвазига Украина кичик имтиёзлар олади: Европа давлатларидан АҚШ иштирокисиз хавфсизлик кафолатлари, Харков вилоятидаги кичик ҳудудни қайтариш ва Днепр дарёсига чиқиш йўлини тиклаш. Бундан ташқари, Запорижжя АЭС украиналик бўлиб қолиши, аммо АҚШ томонидан бошқарилиши ва ишлаб чиқарилган энергия ҳар икки томонга кетиши тахмин қилинмоқда.
Россия президенти Владимир Путин режа эълон қилинганидан сўнг музокараларни бошлаш учун ҳозирги фронт чизиғи бўйлаб можарони “музлатиб қўйиш”га тайёрлигини билдирди. Бироқ, Киевда улар Трампнинг ташаббуси “шубҳасиз россияпараст” ва адолатли тинчлик учун асос бўла олмайди, деб ҳисоблайдилар.
Агар Украина 9 май куни Москвага ҳужум қилса, Россия Киевга “Орешник” қуроли билан зарба бериши мумкин
“Зудлик билан тарк этинг!” — Украинада хавфли ҳудудлар бўйича шошилинч чақириқ
Француз қирувчи самолётлари Хитой ракеталари қаршисида ожиз қолди
