Хулиан Альварес қайси клубга ўтишни истаётгани маълум

"Атлетико Мадрид" ҳужумчиси Хулиан Альварес жамоасини ўзгартиришни режалаштирмоқда. У карьерасини давом эттириш учун бир нечта имкониятларга эга.

"Chelsea Chronicle" нашрининг берган маълумотларига кўра, аргентиналик футболчига "Челси", ПСЖ ва "Барселона" клублари қизиқиш билдирмоқда. Альварес учун энг маъқул вариант бу Каталония клуби. Футболчининг чемпионатга мослашиш зарурати йўқлиги уни ўзига жалб қилмоқда.

Ҳозирда футболчининг "Трансфермаркт" порталидаги нархи 100 миллион еврони ташкил этади. Унинг "Атлетико" клуби билан амалдаги шартномаси 2030 йилгача амал қилади.

Эслатиб ўтамиз, 25 ёшли форвард жорий мавсум "матрасчилар" сафида жами 18 та учрашувда майдонга тушиб, 9 та гол киритган ва 5 та голли узатмани амалга оширган.