Холанд кетма-кет бешинчи йил Норвегиянинг энг яхши футболчиси деб топилди

“Манчестер Сити” ҳужумчиси Эрлинг Холанд Норвегияда йилнинг энг яхши футболчиси деб топилди. Бу ҳақда Норвегия футбол ассоциацияси сайти хабар берди.

24 ёшли футболчи кетма-кет бешинчи марта совринни қўлга киритди.

"Мен учун бу ёқимли ва ажойиб эътироф, мен буни жуда қадрлайман. Мен кетма-кет бешинчи йил совринни қўлга киритганимдан фахрланаман.

Бу яхши йил бўлди, мен барқарор ўйнадим ва голлар урдим, шунинг учун бундан хурсандман. Биз Премьер-лигада ғалаба қозондик, бу фантастик эди ва жамоа билан кўп муваффақиятларга эришдик", деди ҳужумчи.