Буюк Британияда 5 миллиард фунт стерлинглик криптовалюта фирибгарлик схемасини ташкил этганликда айбланаётган Хитойда туғилган Цзян Чжимин ўзининг сўнгги крипто-ҳисоб рақамларида сақланган 67 миллион фунт стерлингни Лондон полициясига топширишга розилик берди.
Бу ҳақда The Times нашрига таяниб Report хабар берди.
Маълумотларга кўра, ушбу ҳисоблар пароллари сақланган флеш-диск полиция томонидан аёлнинг тайтисининг яширин чўнтагидан тинтув вақтида топилган.
Цзян Чжимин 2024 йил апрел ойида Лондон полицияси томонидан юқори қийматли Британия кўчмас мулки билан боғлиқ шубҳали операциялар доирасида ҳибсга олинган. Тергув давомида у 2014–2017 йилларда Хитойда инвесторлардан ўғирланган маблағларни ювиш схемасини ташкил этган фирибгар экани аниқланган.
У ва унинг шериклари ўғирланган маблағларни криптовалютага айлантириб, сохта ҳужжатлар ёрдамида Буюк Британияга келган.
Унинг ҳибсга олинишидан кейин полиция 5,1 миллиард фунт стерлинглик крипто-активларни мусодара қилган. Кейинчалик у 3,1 миллион фунт стерлинглик қўшимча активларни ҳам ҳуқуқни муҳофаза қилувчи органларга топширишга рози бўлган.
Энди эса фирибгар 67 миллион фунт стерлингни ўз ичига олган сўнгги крипто-ҳисоб рақамларининг паролларини полицияга берди.
Янгиланган Cobalt'нинг нархи эълон қилинди
Дунёдаги энг қашшоқ давлатлар
Эрдўған туркий халқлар, жумладан ўзбекларнинг ҳаётини енгиллаштирмоқчи
