Хитойдан Мексикага 3000 дан ортиқ автомобил олиб кетаётган кема Тинч океанида ёниб кетди — Bloomberg

Агентлик маълумотларига кўра, автомобиллар Хитой ишлаб компаниялари, жумладан Chery Automobile Co ва Great Wall Motor Co'га тегишли.

Либерия байроғи остида сузаётган кема 26 май куни Хитойнинг Шандун провинцияси Янтай шаҳридан йўлга чиққан ва 15 июн куни Мексиканинг Ласаро-Карденас шаҳрига етиб бориши керак эди.

Ёнғин 3 июн куни кема палубаларидан бирида юзага келган юзага келган, кема бу пайтда Адак оролидан 500 километр узоқликда бўлган. Ёнғин сабаблари ҳозирча номаълум. Кема экипажи ёнғинни ўчиришга уринган, аммо бунинг уддасидан чиқа олмади. Охир-оқибат 22 кишидан иборат бутун экипаж АҚШ қирғоқ қўриқлаш хизмати томонидан эвакуация қилинди.

АҚШ қирғоқ қўриқлаш маълумотларига кўра, кемада 3159 та транспорт воситаси бўлиб, улардан 65 таси тўлиқ электр, 681 таси гибрид автомобиллардир.

Bloomberg манбалари кемадаги ёнғин электр автомобиллардан бирининг ёниб кетиши оқибатида юзага келганини тахмин қилмоқда.