Кучли ёмғир ва дарёларнинг юқори оқимидан кучли сув оқими Хитойнинг Гуйчжоу провинциясининг икки туманида сув тошқини келтириб чиқарди. Аҳолини эвакуация қилишга тўғри келди, дея хабар беради Синьхуа.
Сешанба куни Гуйчжоу провинциясининг Жунцзян ва Цунцзян туманларида сув тошқини туфайли 48,9 мингга яқин ва 32 минг киши эвакуация қилинди. Ҳар икки ҳудудда огоҳлантириш даражаси энг юқори даражага кўтарилди.
Душанба куни кечқурун Жунцзянда кучли ёмғир бошланди. Сешанба куни тушдан кейин дарё хавфли чегарадан 6,68 метр ошиб кетди. «Цуньчао» турнири билан машҳур футбол майдонини сув босиш чуқурлиги тахминан уч метрга етди.
Ўт ўчирувчилар ва кўнгиллилар жабрланган ҳудудларга ёрдам кўрсатиш устида ишламоқда. Вилоят департаменти ҳар икки туманга 30 минг шиша сув ва 10 минг пакетдан ортиқ тез тайёрланадиган лапша жўнатди.
Саньду туманида кучли ёмғир туфайли автомобиль йўли кўпригининг бир қисми қулаб тушди. Қурбонлар ҳақида маълумот берилмаган.
Исроил Эрон билан уруш тугаганини расман эълон қилди
Эрон бутун Исроил бўйлаб зарбалар берди — Ислом инқилоби қўриқчилари корпуси
Хитой Россиядан кейин Эрон томонига ўтди
