Хитой ядровий қуролсизланиш масаласида АҚШ ва Россия орасидаги музокараларга қўшилиш ниятида эмас. Бу ҳақда Хитой Ташқи ишлар вазирлиги матбуот котиби Гуо Жиакун маълум қилди, дея хабар бермоқда Report агентлиги Reutersга таяниб.
«Хитойнинг ядровий салоҳияти Қўшма Штатлар билан бир даражага чиқмайди Хитойнинг АҚШ ва Россия ўртасидаги ядровий қуралсизланиш бўйича музокараларга қўшилиши талаби маъносиз ва реал эмас», – деди у.
Гуо Жиакуннинг таъкидлашича, Хитой «биринчи бўлиб ядровий қурол ишлатмаслик» сиёсатига амал қилади ҳамда ядровий кучларни ҳар доим миллий хавфсизлик учун зарур бўлган минимал даражада ушлаб туради. Шунингдек, мамлакат учинчи давлатлар билан қуролланиш пойгасига киришмайди.
Унинг қайд этишича, дунёдаги энг йирик ядровий арсеналга эга давлатлар ўз мажбуриятларини бажариб, ядровий қуролни қисқартириш йўлида ҳаракат қилиши шарт.
Эслатиб ўтамиз, АҚШ президенти Доналд Трамп душанба куни Россия раҳбари Владимир Путин билан Аляскадаги учрашувида ядровий арсеналларни қисқартириш масаласини кўтарганини маълум қилган эди. Унинг сўзларига кўра, у бу жараёнга Хитойнинг ҳам жалб этилишини қўллаб-қувватлайди.
Мактабларда 1 сентябрдан смартфондан фойдаланиш тақиқланади
Кейинги 5 йил ичида бошланиши мумкин бўлган 5 та уруш
АҚШ Конгрессига номзод Валентина Гомес Қуръонни ёқиб юборди
