South China Morning Post нашрининг хабар беришича, Хитойнинг етакчи робот ишлаб чиқарувчиларидан бири UBTech Robotics компанияси Хитой ва Вьетнам ўртасидаги чегара пунктларига ўзининг одамсимон роботларини жойлаштиради.
"UBTech Robotics 37 миллион долларлик шартнома имзолаган. Унга кўра, роботлар Хитойнинг Вьетнам билан чегарадош бўлган Гуанси автоном туманидаги Фанченган шаҳрида жойлаштирилади. Лойиҳада Walker S2 моделидан фойдаланиш назарда тутилган. У дунёда батареясини мустақил равишда алмаштира оладиган биринчи одамсимон робот сифатида тақдим этилган. Одамсимон роботлар саёҳатчиларга ҳамроҳлик қилади, кўрикдан ўтказади, ҳудудни патруллайди ва логистика вазифаларини бажаради", дея ёзмоқда нашр.
Компания йил охиригача 500 та робот етказиб беришни, келгуси йили ишлаб чиқариш ҳажмини ўн баробар оширишни ва 2027 йилга бориб йилига 10 000 та робот ишлаб чиқаришни режалаштирмоқда.
Ўзбекистон бўйлаб совуқ антициклон ва инверсия узоқроқ давом этади
Каспий денгизи иккига ажралиши мумкин
Тошкент вилояти ва Тошкент шаҳрида "ерфурушлар" қўлга тушди
