Роскосмос раҳбари Юрий Борисов 10 июль куни Ойда атом электр станциясини жойлаштириш бўйича Россия-Хитой қўшма лойиҳасини муҳокама қилиш учун Хитойга учиб кетишини маълум қилди.
Аввалроқ Борисов давлат корпорацияси хитойлик ҳамкасблари билан биргаликда 2033—2035 йилларда Ой юзасига атом электр станциясини етказиб бериш ва жойлаштириш лойиҳасини кўриб чиқаётгани ҳақида хабар берган эди.
«Бу (лойиҳа) ўз-ўзидан жуда мураккаб, сиз қурилмани Ойга етказишингиз, уни қўндиришингиз керак... лекин биз буни ўз зиммамизга оламиз», - деди Борисов Давлат Думасида.