Охирги 24 соат ичида Тайван қуролли кучлари оролга яқинлашаётган Хитойнинг 8 та ҳаво шари, 5 та самолёти ва 4 та Хитой армияси кемасини қайд этган. Бу ҳақда орол мудофаа департаменти маълум қилди, деб ёзади Taiwan News.
Баёнотда, шунингдек, иккита самолёт Тайван бўғозининг ўрта чизиғини кесиб ўтиб, оролнинг жануби-ғарбий ва шимолидаги ҳаво мудофаасини аниқлаш зонасига кирганлиги кўрсатилган.
Тайван армияси нишонларни кузатиш учун самолётлар, кемалар ва ердаги зенит-ракета тизимларидан фойдаланган ҳолда жавоб берди.