Хитой фуқаролари Россия мудофаа вазирлиги билан шартнома тузиб, ойига $2,5 минггача маош олмоқда

Бу ҳақда The Guardian нашри хабар бермоқда.

Нашрнинг ёзишича, айрим хитойликлар Россияда ёлланма аскар сифатида хизмат қилиш учун 27 минг долларгача бир марталик мукофот ва ҳар ой $2,500 маош оляпти.

"Хитой ижтимоий тармоқларида турли видеолар тарқалмоқда. Уларнинг баъзилари русларнинг "кучли эркаклар" ҳақидаги милитаристик пропагандасига ўхшайди, бошқалари эса бу ишни пул топиш ва дам олиш имконияти сифатида кўрсатади. Шунингдек, Хитойни тарк этаётган оддий одамларнинг скриншотлари ҳам улашилмоқда. Уларнинг барчасида Россияда ёлланма аскар бўлишнинг фойдалари тарғиб қилинади", деб ёзилган материалда.