Хитой АҚШдан ядровий қурол бўйича музокараларни тўхтатишни талаб қилди

Хитой Ташқи ишлар вазирлиги АҚШни ҳарбий иттифоқчилари билан ядровий қуролдан биргаликда фойдаланиш масаласини муҳокама қилишни тўхтатишга ва хорижда ядровий қурол жойлаштиришдан воз кечишга чақирди.

Бу ҳақда РИА Новости Хитой ТИВ маълумотларига таяниб хабар берди.

Хитой ТИВ баёнотида таъкидланишича, ядровий қуролга эга давлат сифатида АҚШ Ядровий қуролни тарқатмаслик тўғрисидаги шартноманинг нуфузини қўллаб-қувватлаши керак.

«АҚШ ҳарбий иттифоқчилари билан ядровий қуролдан биргаликда фойдаланиш масаласини муҳокама қилишни тўхтатиши ва хорижда ядровий қурол жойлаштириш имкониятидан воз кечиши керак», — деди Хитой Ташқи ишлар вазирлиги.