Хатирчи туманидаги «Ангидон» маҳалласида айни вақтда 20 тадан ортиқ меҳмон уйлари ва дам олиш масканлари, 10 турга яқин туризм хизматлари ташкил этилган бўлиб, ушбу қишлоқнинг йўл, электр энергия инфратузилмалари ҳам яхшиланмоқда.
«Ангидон» қишлоғига олиб борувчи йўлнинг 5 километр қисми жорий таъмирланди ва қуёш панелли тунги ёритиш чироқлари ўрнатилди.
Айни кунларда ҳам ҳудуд табиатининг гўзаллигидан баҳраманд бўлиш мақсадида ушбу манзилга маҳаллий ҳамда хорижий сайёҳлар келиши кузатилмоқда.
