Икки кун аввал иш бошлаган Харьков метроси шаҳарда давом этаётган отишмалар туфайли яна бомбадан сақланиш учун фойдаланилади.
"Бугун Харьковда шовқин баланд ва хавфли. Душман қўшинлари шаҳримизни яна ўққа тутмоқда. Ярадорлар ва, афсуски, ҳалок бўлганлар ҳам бор. Сизларни хавфсиз жойларда – ертўлаларда, бошпаналарда, метро бекатларида бўлишга чақираман. Биз ҳаракатни тўхтатмаймиз. Метрода поездларнинг сони кўпаяди, бироқ биз сиз қолиб, портлашдан омон қолишингиз мумкин бўлган махсус секторларни ажратамиз", деб таъкидлади Харьков мери Игор Терехов видеомурожаатида.