Хакан Фидан: Яқин Шарқдаги кескинлик кенгроқ урушга айланиши мумкин

Бу ҳақда Туркия ташқи ишлар вазири Хакан Фидан Стамбулда бўлиб ўтган Халқаро стратегик коммуникациялар (STRATCOM) саммитида сўзлаб, маълум қилди.

"Туркия бу кескинликка қарши, чунки у минтақадаги мамлакатларни жиддий эскалацияга тортиш хавфига эга", — деди у.

Х. Фиданнинг таъкидлашича, АҚШ ва Исроилнинг Эронга ҳужуми ҳамда Теҳроннинг унинг жавоби Форс кўрфази мамлакатлари учун таҳдид туғдиради: "Бу эндиликда фақат Исроил уруши эмас, чунки бу кескинликнинг нархини бутун дунё тўлайди. Геосиёсий ва иқтисодий қийинчиликлар кучайди".