Венгрия бош вазири Виктор Орбаннинг таъкидлашича, Украинани НАТОга қабул қилиш жаҳон тинчлиги учун катта таҳдид солади. Бу ҳақда у X (собиқ Twitter) ижтимоий тармоғида баёнот берди.
Сиёсатчининг сўзларига кўра, агар Киев НАТОга қўшилса, бу Россия билан тўғридан-тўғри уруш ва эртаси куни учинчи жаҳон уруши бошланишини англатади. Бундан ташқари, фронтнинг ўзи Европа қитъасининг марказига сурилади.
“Бу — дипломатия эмас, жинлик. Спичкани порох бочасига ташламайдилар,” — дея хулоса қилди Орбан.
