Виктор Орбан: Путин музокаралар учун сулҳдан манфаатдор эмас

Бу ҳақда Венгрия бош вазири Швейтсариянинг Die Weltwoche ҳафталик нашрига берган интервьюсида маълум қилди, унинг бош муҳаррири Рожер Кеппел россияпараст позицияси билан танилган. Бу ҳақда «Украина правда» нашри ёзмоқда. Орбаннинг айтишича, Россия президенти тинчлик музокараларини бошлаш учун сулҳ Украинанинг бу паузадан Россияга қарши фойдаланишига олиб келади, деб ҳисоблайди. Аввалроқ Украина президенти Владимир Зеленский ҳам эҳтимолий сулҳ ҳақида гапирган эди: у сулҳ Россияга Украинага янги куч билан ҳужумни давом эттириш имконини бериши мумкинлигини айтди.

Шунингдек, Орбаннинг таъкидлашича, Путин унга Киев Украинанинг Россия томонидан босиб олинган барча ҳудудларини аннекция қилишга рози бўлса, Кремль урушни тугатишга тайёрлигини такрорлаган. Президент Зеленский аввалроқ Украина урушни тугатиш учун бундай шартларга рози эмаслигини айтган эди. Путин, Орбаннинг сўзларига кўра, тинчлик музокаралари ҳар икки томон, яъни Россия ва Украина иштирокида бўлиши мумкин, деб ҳисоблайди.

Виктор Орбан Киевга сафари ва Украина президенти Владимир Зеленский билан учрашганидан кейин Москвага ташриф буюрди.

Аввалроқ ЕИ Орбаннинг тинчлик ташаббусларидан узоқлашиб, унинг сафарлари Брюссел билан мувофиқлаштирилмагани ва унинг позицияси Европа Иттифоқининг Россиянинг Украинадаги урушига нисбатан расмий позициясига мос келмаслигини айтган эди. Европа Кенгаши раҳбари Чарлз Мишелнинг айтишича, Венгрия Европа Иттифоқига раислик қилган ҳолда Россия билан ўзаро ҳамкорлик қилиш ваколатига эга эмас: «Европа Кенгаши аниқ позицияга эга: Россия тажовузкор, Украина эса қурбондир».

Европа Иттифоқининг қатор етакчилари, жумладан, Германия канцлери Олаф Шольц Украинанинг таслим бўлишини англатувчи тинчликни қўллаб-қувватламаслигини маълум қилди.