Вьетнамда жаҳон спорт тарихидаги энг катта лойиҳалардан бирига старт берилди. Yahoo Sports нашрининг хабар беришича, пойтахт Ханой яқинида дунёнинг энг йирик футбол аренаси бўлиши кутилаётган “Тронг Донг” стадионининг қурилиш ишлари расман бошланди.
Янги арена 135 000 томошабинга мўлжалланган бўлиб, у сиғими бўйича ҳозирги рекордчи — Шимолий Кореядаги “1 май” (114 минг) ва Марокашда қурилиши давом этаётган “Ҳассан II” (115 минг) стадионларини ҳам ортда қолдиради.
Бюджети: Тахминан 36 миллиард АҚШ доллари (925 триллион донг).
Инфратузилмаси: Стадион замонавий ёпиладиган том конструкцияси ва кўп функцияли майдонга эга бўлади.
Муддати: Қурилиш ишлари 2028-йилда якунланиши режалаштирилган.
Стадион номи ва архитектураси Вьетнам миллий мероси ҳисобланган қадимий бронза барабанларига (Тронг Донг) ишора қилади. Бу дизайн мамлакатнинг қадимий цивилизацияси, кучи ва ҳамжамият руҳини ифодалайди. Мажмуа 9 минг гектарлик улкан спорт ва шаҳарсозлик лойиҳасининг марказий қисми бўлади.
Ушбу улкан иншоот Вьетнамнинг глобал спорт харитасидаги мавқеини мустаҳкамлашга хизмат қилади. Расмийлар келажакда бу ерда нафақат футбол бўйича жаҳон турнирлари, балки энг йирик халқаро концертлар ва маданий тадбирларни ўтказишни режалаштирмоқда.
Вашингтонда Илҳом Алиевнинг кортежига ҳужум уриниши бўлди
"Ал-Ҳилол" футболчилари Бензема билан шартнома имзоланганидан афсусда
Гвардиола нега Ҳусанов "Ньюкасл"га қарши ўйин танаффусида майдонга туширилганини изоҳлади
