Венесуэланинг давлат нефть компанияси АҚШ билан нефть сотиш бўйича музокаралар олиб бормоқда

Венесуэла давлат нефть компанияси PDVSA АҚШ билан нефть сотиш бўйича музокаралар олиб бораётганини тасдиқлади.

Бу ҳақда давлат компанияси ўз баёнотида маълум қилди.

"PDVSA ҳозирда АҚШ билан икки мамлакат ўртасидаги мавжуд савдо алоқалари доирасида нефть ҳажмини сотиш бўйича музокаралар олиб бормоқда", — дейилади компания хабарида.

PDVSA маълумотларига кўра, музокаралар мутлақо тижорат характерига эга ва "қонунийлик, ошкоралик ва ўзаро манфаатдорлик тамойилларига риоя қилган ҳолда халқаро компаниялар, жумладан Chevron билан тузилган шартномаларга ўхшаш доирада" олиб борилмоқда.