Венесуэладаги 7,5 балли зилзиладан олти кун ўтиб, вайроналар остидан уч ёшли бола соғ-саломат қутқарилди. 30 июн куни Клибер Моранни иорданиялик қутқарувчилар Ла-Гуайра штатидаги вайроналар остидан олиб чиққан.
Иордания фуқаро муҳофазаси хизмати кичик Клиберга биринчи тиббий ёрдам кўрсатилгани, у шифохонага етказилгани ва барча ҳаётий кўрсаткичлари яхши эканини билдирди
Бола айни пайтда пойтахт Каракасдаги шифохонада даволанмоқда.
Зилзиладан кейинги уч кунда — вайроналар остида қолган одамларнинг тирик топилиш имконияти энг юқори бўлади. Клибернинг олтинчи куни топилиши эса ҳақиқий мўъжиза бўлди. Президент Делси Родригес ҳодисани «халқ учун умид манбаи» деб таърифлади.
Венесуэлада ўтган ҳафтада содир бўлган 7.2 ва 7.5 магнитудали зилзилалар оқибатида ҳалок бўлганлар сони 1 минг 943 нафарга етди.
Жароҳатланганлар эса 10 минг кишидан ошиб кетган, яна ўн минглаб одамлар тақдири ҳозирча номаълум бўлиб қолмоқда.
Ҳозирда бутун дунёдан келган минглаб қутқарувчилар ўргатилган итлар ва оғир техникалар ёрдамида қидирув ишларини давом эттирмоқда.
Ўн йилдан сўнг пулнинг аҳамияти деярли қолмайди
1 августдан автомобиллар учун газ бепул бўлади
Эрон 200 нафардан ортиқ америкалик ҳарбий хизматчиларни йўқ қилди
