Венесуэланинг Баринас штатида маҳбуслар тергов изоляторини эгаллаб олиб, исён кўтарди. Бу ҳақда Венесуэла қамоқхоналарни мониторинг қилиш маркази хабар берди.
Воқеа 24 май куни содир бўлган. Намойишларда 1,2 минг эркак ва 100 нафар аёл қатнашган. Исёнга бир ҳафта олдин қамоқхонанинг янги директори этиб тайинланган Элвис Макуре Герреро сабаб бўлган. У келиши билан маҳбуслар қийноққа солингани, калтаклангани ва тинтув ҳолатлари кузатилгани айтилмоқда.
Герреро директорликка тайинланганидан кейин 120 дан ортиқ киши жарима изоляторларига жойлаштирилган. Маҳбуслар директорнинг ишдан бўшатилишини талаб қилмоқда. Улар қамоқхона миноралари томига кўтарилган, баъзилари эса матрасларни ёқиб юборган. Қўриқчилар ва янги директор намойишчиларга қарата ўт очган, ярадорлар бор. Гувоҳлар қамоқхона ҳудудига кирган ҳарбийлар кўздан ёш оқизувчи газ қўллаганини айтмоқда.
Венесуэла ҳукумати воқеага ҳеч қандай изоҳ бермади. Қамоқхоналар мониторинги маркази эҳтимолий оқибатлар учун жавобгарликни жазони ижро этиш вазири Хулио Гарсия Серпага юклади. Марказ Венесуэла прокуратураси ва омбудсманини вазиятга аралашишга чақирди.
Мактабларда «Сўнгги қўнғироқ» тадбирлари қачон ўтказилиши маълум бўлди
Президентнинг янги қарори қабул қилинди
Эрон 57 та мусулмон давлатидан иборат “Ислом NATOси” ни тузишга чақирди
