Венесуэла Олий суди вице-президент Родригесни давлат раҳбари вазифасини бажарувчи этиб тайинлади

Венесуэла Олий суди вице-президент Делси Родригесни давлат раҳбари вазифасини бажарувчи этиб тайинлади.

Бу ҳақда судья Тания Д'Амелио маҳаллий Venezolana de Televisión телеканалида маълум қилди.

"Венесуэла Олий суди ижрочи вице-президент Делси Родригесга Венесуэла Конституцияси ва қонунларига қатъий риоя қилган ҳолда зудлик билан республика президенти вазифасини бажаришни буюрди”, деди у.

Судья бу қарор Олий суднинг Конституциявий палатаси томонидан 2026 йил 3 январда юз берган хорижий ҳарбий тажовуз ва Венесуэла конституциявий президенти Николас Мадуронинг ўғирлаб кетилиши муносабати билан қабул қилинганини тушунтирди.