Венесуэла АҚШ ҳарбий-денгиз кучлари кемаларини Кариб денгизига ўтказиши ва Лотин Америкасида тинчликка таҳдид солаётгани муносабати билан БМТ Бош котибига мурожаат қилди.
Бу ҳақда Боливар Республикаси ташқи ишлар вазири Иван Хиль Пинто БМТнинг Венесуэладаги доимий координатори Жанлука Рамполла билан учрашув якунлари бўйича ўзининг Telegramдаги каналида маълум қилди.
“Биз БМТ Бош котиби Антониу Гутерришга соғлом фикрни тиклаш илтимоси билан мурожаат қилдик ва тинчликка таҳдид солаётган Кариб ҳавзасида АҚШ ҳарбий бўлинмалари ва ҳатто ядровий қуролларнинг жойлаштирилиши юзасидан хавотирларимиз билан ўртоқлашдик”, — деди вазир.
Унинг сўзларига кўра, БМТ координатори билан учрашувда “Лотин Америкаси ва Кариб ҳавзаси давлатлари ҳамжамияти томонидан 2014 йилда тинчлик ҳудуди деб эълон қилинган” минтақада АҚШ маъмуриятининг душманлик ҳаракатларининг кучайиши муҳокама қилинган.
Рамполла Венесуэла “ноқонуний экинлардан холи ҳудуд” эканлигини тасдиқлади, бу ҳақда БМТнинг Наркотиклар ва жиноятчилик бўйича бошқармасининг 2025 йилдаги ҳисоботида айтилган”, — деди ТИВ раҳбари.
Унинг таъкидлашича, Қўшма Штатлар томонидан гиёҳванд моддалар савдоси бўйича сохта айбловлар "Венесуэлага қарши тажовуз учун баҳона бўлиб хизмат қилади".
Мактабларда 1 сентябрдан смартфондан фойдаланиш тақиқланади
Кейинги 5 йил ичида бошланиши мумкин бўлган 5 та уруш
АҚШ Конгрессига номзод Валентина Гомес Қуръонни ёқиб юборди
